يَغْفِرْ لَكُمْ مِنْ ذُنُوبِكُمْ وَيُؤَخِّرْكُمْ إِلَىٰ أَجَلٍ مُسَمًّى ۚ إِنَّ أَجَلَ اللَّهِ إِذَا جَاءَ لَا يُؤَخَّرُ ۖ لَوْ كُنْتُمْ تَعْلَمُونَ
അവന്‍ നിങ്ങള്‍ക്ക് നിങ്ങളുടെ പാപങ്ങളില്‍ നിന്ന് പൊറുത്തുതരികയും നിര്‍ണ യിച്ച ഒരു അവധിവരെ നിങ്ങളെ പിന്തിപ്പിക്കുകയും ചെയ്യുന്നതാണ്; നിശ്ചയം അല്ലാഹുവിന്‍റെ അവധി, അത് വന്നുകഴിഞ്ഞാല്‍ പിന്തിപ്പിക്കപ്പെടുകയില്ല-നി ങ്ങള്‍ അറിവുള്ളവര്‍ തന്നെയായിരുന്നുവെങ്കില്‍.
ത്രികാലജ്ഞാനിയായ അല്ലാഹു എല്ലാവരുടെയും അവധി നേരത്തെ നിശ്ചയിച്ച് ഗ്രന്ഥത്തില്‍ രേഖപ്പെടുത്തിയിട്ടുണ്ട്. എന്നാല്‍ അവനെ നിഷ്പക്ഷവാനായി അംഗീകരി ച്ചുകൊണ്ടും വിശ്വാസിയാകാനുള്ള അവന്‍റെ സമ്മതപത്രമായ അദ്ദിക്ര്‍ ലോകര്‍ക്ക് എ ത്തിച്ചുകൊടുത്തുകൊണ്ടും അവനെ സഹായിക്കുകവഴി അവരുടെ നരകകുണ്ഠത്തിലേക്കുള്ള വിധി സ്വര്‍ഗ്ഗത്തിലേക്കുള്ളതാക്കി മാറ്റാനും അവരുടെ ജീവിത അവധി സ്വയം നിശ്ചയിക്കാനും അജയ്യമായ ഈ ഗ്രന്ഥം കൊണ്ട് വിചാരണയില്ലാതെ സ്വര്‍ഗത്തിലേക്ക് മുന്‍കട ക്കുന്നവര്‍ക്ക് സാധിക്കുന്നതാണ്. 2: 186; 10: 98; 63: 11 വിശദീകരണം നോക്കുക.